Kay Elizabeth Cabezas, Mamallakta Tantanakuyta pushak, kamachiykuna utka llukshichun utkachin, kamachiy killkakkuna ñapash llankaykunata pushan rimarka.
Kaytami radio Quito, ankipi tukuy llaktakunaman willarka, chay 2019 watapak aymuray killakama tawka kamachiykunata arinina nirka.
Chaymanta kamachiy killkakkunata shuk hunkapi 4 kutin tantarinkapa kayanka, chaypi tukuykuna rimayta charinka, paykuna yuyayta chuiranka.
Shinami: Código de Comercio kamachiyta, Código Orgánico de la Salud kamachiyta, Contra la Violencia en los Estadios kamachiyta, Recuperación de Capitales kamachiyta, Turismo kamachiyta, Emprendimiento e Innovación kamachiyta, Función Legislativa kamachiyta, shuktakkunatapash rimakun nirka.
Kay Anticorrupción kamachiy yapa mutsurin, kay kamachiyka Mamallakta Pushak chayachimushkami kan nishpa rikischin, kay kamachiy kallari atinakuypash ñami allichishka kan, kay kamachiywan shuwaykunata harkana nirka.
Yanka kullkita hapishkamanta
Kullkita yanka yapishkamanta, ñuka llankayta kallarishka punchamanta sinchita takashka kan. Kay 2018 watapi, chay Fiscalía kamaywasiman wanayta churankapa rishkata riksichin. Shuktak huchakunata anchuchinkapa katishkata willan, shuktak huchakunata ñami katikuchik rimarka.
Kamachiy killkak, Ana Galarza wanayta katinka, chay Ronny Aleaga kamachiy wanayta churashakata punchanta alli ñanta katikunchik nirka, kunanpika Multipartidista tantarita churakunchik, paykunami kay huchata taripashka katinka, kay minkashka kamachiy killkak 10 punchata willankapa charin, kipaman Mamallakta Tantanakuy rikunata charin.
SV/jc-kichwa
