Kay Comisión de Jubilados tantariman yaykurishka kamachiy killkakkuna 5 apuchiwan llankayta arinirka.
Chayta Consejo de Administración Legislativa (CAL) kamachikkunaman chayachinka, kapak killakama llankayta paktachinka.
Shinami Tantarita pushak, Homero Castanier, kamachiy killkak willarka, chikan chikan kamachikkunawan llankayta pushana mutsuyka kamachiy killkakkunamanta, yanapakkunamanta, runakunamantata chapak kamachikmanta rikurirka, yuyak runakunata kamanamanta rikuchirka.
Mama Cristina Reyes kamachiy killkak, kay tantaripak llankayka yuyak runakuna, paykunapak hayñita hapichun makita kushpa llankanamantami yapa arinishka kan nirka, shinallatak Mamallakta, chay Fondo de Salud del IESS kullkiwasiman manuta charin chaytami tikrachichun sinchita llankana kan nirka.
Shnami chay Federación de Jubilados Eléctricos, Germán Huayamave pushakta minkashka chaskirka, rukuyashka runakunaka chakatashka hatun llakipi kawsan nirka. Kamachiyta pakishpa paykuna hapina kullki chanita urayachin nirka, shinami yuyak runakunata llapi kan nishpa riksichirka.
Tayta, Washington Silva, Federación de Trabajadores Eléctricos del Ecuador tantarita pushak, shuk punchatalla kamachiy killkakta pushak tukushka, yuyak runakunapak kawsayta, mutuyta mintalashka mana kanachu kan nirka. Yallik 2009 watapi llankaymanta llukshishka, paykunapak mañayta mana tikrachishka kan nishpa riksichirka.
SV/ds/jc-kichwa
