Willana hayñi kishpiyrishka rimana, willana kakta kutintak arinin, kayta payllatak pushankapa arinin.
Kay hayñikunataka tukuy Ecuador llaktapi kawsak runakunami kawasaypi, llankaypi riman.
Chaykunata rimashkamanta, sarun 18 puncha, kapak killa, 2018 watapi Mamallakta pushakman kachashka shina riman:
Kay 71 nikipi.- Sapsi arinishkakuna.- Willana, willanakuna hayñita tukuykuna arinishpa pushanami kan nishpa riksichin, kaytaka Mamallaktapi tiyak kamachiyta, Mamakamachiyta, ista hillaykunatapash […] sumaychashpa apuchun rikuchin.
Kamachiypak 71 nikipimi imashina willana, willanakuna hayñi kashkata achiklla riksichin, kay rimayka Corte Constitucional 018-10- SIN-CC yupaypi rimashkawan kimirishkami kan, chaytami kamachikkuna katishpa paktachinata charin.
Shinallatak chay 5 nikipi rimashkapika, willana llankaykuna imashina katinatami riksichin, kaytami Mamallakta allichishpa tikrachikpi Mamallakta Tantanakuy rikunata charin, chaymi ña allichirishpa alli kamachiy llukshinka.
JC-kichwa
