Chay Loja llaktamanta shamuk Rubén Bustamante kamachiy killkak, Comisión de Gobiernos Autónomos pushak tukurka, Javier Cadena kamachiy killkak kipa pushak sakirirka.
Payka Carchi llaktamantami shamun. Paykunaka kunan watapak aymuray killakama llankanka, chay killapimi mushuk kamachiykuna tiyarinka.
Kay Consejo de Administración Legislativa tantari arinishwan, ña llankaypi shutirirka.
shinami churashka kamachikkunaka Montgómery Sánchez yallik kamachiy kilkak, Sonia Palacios yallik kamachiy killkak kunan watapi akllarinkapa anchurishpa sakishka kuskapi tiyarinka.
Kay Bustamante, Cadena kamachiy killkakkuna, kay tantari llankaykunata kallaripi churashkawan katishun nishpa rimarka, chay llankaykunaka Agenda Legislativa Priorizada del Parlamento llankaywanmi kimirin, chayka Código Orgánico de Organización Territorial kamachiyta allichina, kay kamachiyka kallari atinakuyman yaykurinkapa tiyakun.
Shamuk punchakunami chay Código de la Producción kamachiyta, Solidaridad kamachiyta allichina kanka, maypi yalli pukuna allpakunapi achka llankayta churankapa yanapanka, chay Solidaridad kamachiyta mushukyachishpa, 2016 watapi wakllirishka Esmeraldas markata, Manabí markata yanapanka
LILA-ds/jc-kichwa
