Kay “warmikunata takayka punchantami katin, Ecuador llaktapi warmi kakpi wañuchikkuna katin.
Wañuchishkapak ayllukuna kay llakikunata katichun mañan, taripak kamachikkuna imashina katinata mana yachan”.
Chaymantami María Dolores Machado, Red de Familias Víctimas de Femicidio (FAVIFE) tantarimanta rimarka.
Kay María Dolores Machado warmi, paypak warmi mashikunantin shamurka, paykuna warmi kashkamanta wañuchinata anchuchichun, Elizabeth Cabezas Mamallakta Tankuyta pushakwan shuk tantarita charirka, chaypi Comisión Especial Ocasional Multipartidista tantarita wiñachichun mañarka, takayta harkana tukuylla llaktayta Mamallaktapi churachun uyachirka.
Mamallakta Tankuyta pushak, warmishina, mamashina chay Prevención y Erradicación de Violencia contra la Mujer kamachiyta churankapa allita killkakunchik nishpa willarka, ayllukunapi makanakuy, takanakuy, tsikni tiyakpi kamachiywanpash mana anchuchishunchu rimarka. Kay 83% patsakri wañushka, takashka ayllu ukumantami rikurishka nirka.
Mama Pamela Pérez, Lucely Pérez warmipak ñañami kan, paykataka 17 watayukta wañuchishkata riksikmi kan, paytaka kipikamak awkami wañuchirka, ñami chusku wata kan, Ibarra llakta warmita wañuchishka shinami karka. “Ñukapak ñañaka kawsakpi takashkami karka, tawka aspikunata charirka, chanka ukupi kaspita churashka wañurka”, yallik 15 punchami kishpiychik huchata mana charin nishpa, mana wanachu.
SV/ds/Jc-kichwa
