Shinami Mamallakta Pushak Elizabeth Cabezas, chay Diana Carolina, Martha warmikuna wañushkamanta nanarirka.
Tukuy warmikuna shina sapan punchami takashka kan, chaytami wanayta churana kanchik.
Mamallakta Kamachiykunata charin, mana shitashkachu kanchik, waykami takayta anchuchina kanchik nirka.
Mamallakta Tantanakuyta mana rikuchik nishpa huchachikpi, pay chaywan mana yuyaywan karka, tukuy pata runakunapimi warmita takayta tiyan, runapak chanita chinkachin, wawakunamanta 80% patsakrimi takashka kan, ayllupika: hachi, tayta, turi, piwi llakichishkami kan.
Mamallakta Tantanakuyka Integral para Prevenir y Erradicar la Violencia contra la Mujer kamachiyta arinirka, tukuylla kamaywasikunamantami takayta anchuchina kan nirka, chay 16 kamaywasikunami makita kushpa sinchita llankanata charin, tukuylla llaktayta Mamallaktapi churana kan.
Tawka purik runakuna yaykurishkamanta rimashpaka, kunanpi tiyak Movilidad Humana kamachiyka, purik runakuna kishpiyrishka yaykurinata yanapan, shinapash imashina shuktak llaktaman yaykurinatami alli ñanta mashkana, kamana kan. Kunanpika paktakaymanta llankak kamachikkunaka kamachiywanmi takaykunata anchuchikun, nishpa willarka.
JLVN/ds/jc-kichwa
