Kaymi Comisión de los Derechos Colectivos tantari allichishka Comunicación kamachiyta kutintak pankata katishpa rikukun.
Kallari tantari Mamallakta Pushak allichishka 26 nikikunata rikurka, kayami ashtawan shuktak nikikunata rikushka katinka.
Shinallatak kay tantariman yaykurishka kamachiy killkakkunaka kaya 09:00 sayllamanta rimanakuyta charinka.
Shinami Marcela Holguín tantarita pushak rimarka. Mamallakta Pushak 10% patsakri tukuylla willakkunaman richun nirka, 34% patsakri sapsi willakkunaman richun kacharka, mana sumaychanka nirka, chaytami kamachikkuna rikunata charin.
Shinallatak, kay yallichinalla 8 nikipak, Mamakamachiypi willana kallpanakunata akllayka achiklla kachun mañarka, paktapakta kachun nirka, kunanpi kamachiypika mana tukuylla mishanakuchichun ñanta paskan, chay Arcote kamaywasika sumakruray, kamaxchiywan llankay willayta chayachina kan nirka, mana shinakpika Mamakamachiypak 17 nikiwann takarin nishpa riksichirka.
Kutin, Jeannine Cruz kamachiy killkak, minkashka churashka nikikunata kutin arinishpa katin, kaykunaka ishkayniki rimanakuypi arinishkami kan, chaytami kamachiy killkakkuna charirayan. Tantarishkaka willayta kachakun rurana, kipaman ama llakita charichun kamachiywan kamashka kachun mañarka, wawakuna, imillakuna, pakta runakuna, warmikunapak hayñikunata llakichishpa willashka kakpika kamachiywan wanachina kachun mañan.
JLVN/sv/jc-kichwa
