Mamallakta Tantanakuy runakunapak allikawsayta, pachamamata kamashpa 91 apuchiwan Ministerios de Energía, Ambiente kamachikta, Agencias de Regulación y Control Minero, Arcom kamachikta, Regulación y Control de Electricidad Arconel kamachikta kayankapa yuyarirka.
Paykuna Comisión de Fiscalización tantari ñawpakpi llankaykunata rikuchinka, chay llakta ima llakita charinatapsh riksichinka.
Kamachikkuna imamantatak Piatua del cantón Santa Clara, Pastaza markapi shayachinata willanka, chay llankayta Genefran S.A. llankakwasi ruranka, kay llankayta rurankapa tukuy katikuykunata, riksishka pankakunata paktachishkata rikuchinka.
Kay arinishkata Raúl Tello, kamachiy killkak rikuchirka payka Piauta mayuka, wakaychishka pachamama kuskapi tiyan nirka, chaypi Central Hidroeléctrica wasita ruranata rikuchin, chay llankayta rurashpaka chay llaktapi kawsak runakunata, pachamamata wakllichikrin rimarka.
Kay llankaywasita ruranata uyashpa Pastaza llaktapi kawsak runakauna, llaktayukkunapapsh mancharishka kan, chay Puyo-Tena hatun ñanta harkarka, antawakuna mana yallirka, chay llaktamanta compañía llankakwasi chay llaktamanta llukshichun mañarka, tukuy runakunapak, pachamamapak kawsayta wakllichin nirka, Mamallaktami kamanata charin nirka.
RSA/ds/jc-kichwa
