Kay Comisión de Gobiernos Autónomos tantari, pusak apuchiwan Código de la Producción kamachiyta arinirka, Solidaridad kamachiytapash arinirka.
Kay kamachiykunataka Mamallakta Pushak 10 niki allichishkata kamachiy killkakkuna rikurka, shinami alli kamachiy killkarinka.
Shinami kamachiy killkakkuna, Mamallakta Pushak chay Manabí markata, Esmeraldas markata yanapashkata paykunapash kamachiy nikikunata arinishpa yanapan, shinami Código Orgánico de la Producción kamachiywan chay llaktapi kawsak runakuna yanaparichun mañan.
Shinallatak, Guillermo Celi kamachiy killkak, kay kamachiywanka mushuk llankaykunata, kullkita mirachinkapa achkata yanapan nirka. Chaypak Mamallakta pushak llankaykunapi mushuk kullki churaywan yanapanka nirka. Imashinami chay Ambato llaktapi, ushata llankakwasikunaman 60 hunu kullkita churanka, chayka 2200 llankana kuskakunata wiñachinka rimarka.
Shinallatak chay Cuenca llaktapi, 70 hunu kullkita, hillay llankayman churanka, chaywan 1900 llankaykunata wiñachinka; kay Quito llaktapi 400 hunu kullkita llankayta churanka, Manabí markapi amawta yachaypi, sumakruray llankayta churanka.
SV/ds/jc-kichwa
