Mamallakta Tantanakuy 180 makirurak runakuna shamukpi kushiyarin, paykunawan Salón José Mejía Lequerica ukupi tantarirka.
Shinallatak, Elizabeth Cabezas Guerrero, hatun pushak kaypi karka, chay Federación Nacional de Cámaras Artesanales pushakkunata tiyachirka.
Kipamna, Pedro de la Torre hatun pushak, Alfredo Cerda kipapusha shayachirka, paykuna makiruray llankayta tankankapa arinirka, chayrayku sinchita llankana nirka.
Pushakkuna kunkurishka kipa, Elizabeth Cabezas kamachik, pushakkunata kushiyachirka, tantarishpa llankachun mushuk yuyayta kurka.
Chaymanta kay makiruray llankay, kullkita kuk llankay kakta riksichishpa Mamallaktata purichun mañarka, chimpapuray llankayta hatunyachichun mañarka. Kay Comisión de Desarrollo Económico tantari, Esteban Albornoz, pushashka Desarrollo Artesanal Kamachiyta allichishpa katimun.
Maki ruray llankaywan Mamallakta paypak makipi kullkita charin, kamachik Cabezas shina rimarka, chaymanta tantarishpa llankana kanchik nirka, mana Mamallaktapilla katuna kan, ista llaktakunaman kapukunata kachana kan nirka. Chayta yanapankapa Mamallakta Tantanakuy alli kamachiyta rurana kan, mushuk sumak rurachik hillaykunata yachna kan nirka. .
Chay ñanpillatak, Silvia Salgado, Comisión de Educación tantarita pushak, paykuna Educación Intercultural kamachiyta allichishpa katikunchik nirka, chayta yanapachun: cámaras kamachikta, federaciones tantarita, makirurak tanatrita kayana nirka, paykuna Mamallaktapak kullki tyachik llankaykunapi yaykurina kachun rimarka.
Tayta Pedro de la Torre, Federación Nacional de Cámaras Artesanales tantarita pushak , kamachyik Elizabeth Cabezas mañashkata chaskin, shinallatak Silvia Salgado kamachiy killkak mañashkata chaskin, Yachay Kamahcvikpa, makiruya pakta yachayta charichun mañarka, yachaywan paktayachay pankata hapinka nirka, makiruyata sumakyachinaka, llankaykuna<pash mirarinka.
JLVN/eg/jc-kichwa
