Kay Comisión de Fiscalización y Control Político tantari, María José Carrión kamachy killkak pushashka, kaya puncha, 15h00 sayllata tantarinka.
Chaypimi Central Hidroeléctrica del Río Piatua llankayta rikuy kallarinka, chayka Santa Clara kitipi, Pastaza amrkapi sakirin, chaytaka Genefran SA llankakwasi pushakun.
Shinallatak, kallaripika Cristian Aguinda, Comité de Defensa del Río Piatua tantarita pushak, payka kay llankay kallarishpa llakita runakuna kawsayman apamukta riksichinka, tawka kamachikkuna hawalla llaki kakta rikuchin.
Kipaman, Ministros de Electricidad y Energía Renovable, Carlos Pérez García kamachik; Ambiente, Marcelo Mata Guerrero kamachik; Ejecutiva de la Agencia de Regulación y Control Minero (Arcom), Andrea Cárdenas Valencia kamachik; Ejecutivo de la Agencia de Regulación y Control de Electricidad (Arconel), Gabriel Salazar kamachikta uyanka.
Kayashkakuna, chay Central Hidroeléctrica en el Río Piatua llankayta pushak kamachikkuna imashina llankay kallarishkata riksichinka, kay llankayta ña ruranka yaykunata rurashkata, mashna kullki yaykurishkata riksichinka.
Kaysami llankayta katinataka, sarun 23 puncha, kullakillapi 91 kamachiy killkakuna apuchiwan arinishkapi tiksirishpami kallarinka. Kamachiy killkak Raúl Tello Benalcázar, Río Piatua llankayka, achka pachamama tiyak allpapimi sakirin, chay allpapimi Central hidroeléctrica llankayta churanata munan, chay llankayka pachamamata, chay llaktapi kawsak runakunapak kawsayta, chakrakunata wakllichinka.
EG/jc-kichwa
