Kunan puncha, Mamallakta Tantanakuy Corte Constitucional mushuk kishpiychikkunata llankaypi tiyachirka.
Paykunaka: Luis Hernán Salgado Pesantes; Hilda Teresa Nuques Martínez; Agustín Modesto Grijalva Jiménez; Daniela Salazar Marín; Pablo Enrique Herrería Bonnet; Carmen Faviola Corral Ponce; Karla Elizabeth Andrade Quevedo kamachikkuna llankaypi tiyarirka, iskun watata llankanka, sapan kimsa watapi kimsata rantinchinka, shina Mamakmachiypak 432 nikipi rikuchin..
Shinallatak katik kishpiychikkuna: Raúl Llasag Fernández; Sandra Catalina Cordero Gárate; Javier Aguirre Valdez; Dunia Carmita Martínez Molina; Ana Isabel Abril Olivo; Raúl Clemente Ilaquiche Licta; María Dolores Miño Buitrón, Marco Antonio Elizalde Jalil kamachikuna llankaypi tiyarirka.
Mamallakta Tantanakuyta pushak, Elizabeth Cabezas Guerrero, kamachiypak ñawpakpi arinichirka, shinami Mamakamachiypak nikipi rimashkata paktachirka, chay katimi shutichishka kamachikkuna, shutita pankapi aspirka, paykunapak llankayman rirka.
Kawsaypura yachay
Shinallatak César Antonio Zambrano Vera , chay Conferencia Plurinacional e Intercultural de Soberanía Alimentaria (Copisa) shutiwan llankaypi tiyachirka. Shinami Soberanía Alimentaria Hatun kamchiypi rimashkata paktachirka, kay kamachiymi runakunawan rimanakuyta charinata yanapanka, awki mikuyta charinata tankanka, Mamallaktapak llaktay llankayta achiklla rikuchishpa yanapanka.
Runakumanta pusak runakuna tiyarirka, kay runakunataka Consejo de Participación Ciudadana y Control Social kamaywasimi akllarka. Tantari ukupi uchilla llankak tantarikunmi wallparishka kan, paykuna uchilla ruraykunata paktachinka. Chay Desarrollo y Acción Social del Gobierno Autónomo Descentralizado del Municipio de San Vicente kamaywasita, Manabí markapi llankanka.
RSA/eg/jc-kichwa
