Kay Consejo Nacional Electoral kamaywasipak kipa rimayta charikkuna Mamallakta Tantakuypak ñawpakpi llankaypi tiyarirka, paykunaka: Mérida Elena Nájera Morcira; Hugo Andrés León Calderón; Ezequiel Hernando Morales Vinueza; María Kristina Kronfle; Mónica del Rosario Noriega Carrera kipa kamachikkunami kan.
Paykunaka, chay Consejo Nacional Electoral kamaywasipi llankanka, paykunataka Consejo de Participación Ciudadana y Control Social Transitorio (CPCCST) akllashka kan, 2018 watamanta, 2024 watakama llankanka.
Llankaypi tiyarishka kipa, Viviana Bonilla Salcedo, Mamallakta Tantanakuyta kipapushakwan, kamachiypak ñawpakpi llankaypi tiyarina arinishka pankapi shuti aspirka, chay shutichishka pankawan sinchita llankay kallarinka.
Kay Consejo Nacional Electoral kamaywasipak kunakkunataka, paykunapak yachayta, kawsayta, allishunkuta charikta rikushpa akllarka, akllana Mandato de Selección Kamachiypak 24 nikipi rikushpa, Mandato de Oposición Kamachiypak 7 nikita rikushpa akllarka.
Shinallatak 4 puncha, panchi killa, 2018 watapi runakuna, apuchita iskankapi churashkawan kimirin, Mamakamachiy rimashkata ukllan, kaymi katikuy kan; maysumak utka pushak kamachiywan kimirin.
Sarun 20 puncha, sasi killa, Mamallakta Tantanakuy, chay Consejo Nacional Electoral kamaywasipak hatun rimayta charik kamachikkunata llankaypi tiyachirka, paykunaka: Esthela Acero, Enrique Pita, José Cabrera, Diana Atamaint, Luis Verdesoto kamachikkuna kan, paykunata Consejo de Participación Ciudadana y Control Social kamaywasi akllarka.
RSA/eg/jc-kichwa
