Kay Código de la Producción kamachiyta, Solidaridad kamachiyta allichikpi, kamachiywan llankakpi kullki yaykurichun, llankay wiñarichun kamashka kanka.
Shinami Lenín Moreno Mamallakta Pushak allichishka nikikunata rikushpa, kamachiy killkakkuna atinakushpa yapa allichirka.
Kay Comisión de Gobiernos Autónomos tantari, Mamallakta allichishka 10 nikikunata rikurka, paykuna Mamallakta Tantanakuy mushuk rikuchishka kanchis nikikunata rikurka, kimsa kamupi rakishpa killkana nirka, kay kamuta kaya 7 puncha apuchinka, panchi killa, 09:00 sayllata kanka.
Kay Código de la Producción kamachiywan Mamallaktapi Polos de Desarrollo llankaykunata wiñachinkapa yanapanka, chay llankaykunami mirarishpa mushuk llankaykunapi kullkita churankapa achkata yanapanka, manukullkikuna mirarichun pushanka. Mintalaykunata rurakpi mushuk llankaykuna mirarishpa katinka.
Kay Guillermo Celi kamachiy killkak, kay Comisión tantarita pushak, Tungurahua llaktapak llankaykunapi 70 hunuta churana nirka, chayka ushuta ruraypi churanka, chaymi 2.120 llankayta wiñachinka; 10 hunu kullkita, Azuay markapi hillayllankaypi churanka, yapa 1.700 runakuna llankayta chrinka; 50 hunu kullkita chay Manabí llaktapi markakunata churanka, chaywan 1.200 llankaykunata wiñachinka.
Shinallatak, pakta runakunaman llankayta charichun tawka ruraykunata wiñachirka; churashka kullkita ashata kuchun kamachiyta churarka, kay Kamachiywan llankashkamanta kullki wiñarichun sinchita ñakarinka, markakunapi llankaykuna wiñarichun llankayñanta mushukyachinka, chay Bahía de Caráquez, Chone, Pedernales llaktakunapi hampina wasi allichirichun kullkita churanka.
LILA/eg/jc-kichwa
