Mamallakta Tantanakuy, Mamallakta pushak, Código de la Producción 10 nikikunata allichinata, shinallatak Solidaridad kamachiyta allichinkapa arinirka.
Chay kamachiywan Manabí, Esmeraldas markakunata yachaywan, riksina llankayta wiñachishpa yanapanka, llankay sakirishkata allichishpa yanapanka.
Ishkantin markakuna 16 puncha, 2016 watapi allpa chukchushpa wasikunata, chakrakuanata, ñankunata allichinkapa, shuk yanapaykunata chayachinkapa Solidaridad kamachiyka achkata yanapanka.
Kay kamachiy imashina llankashkata riksishpa, llankayñanta allichinka, mushuk yachaykaunata, yanapaykunata churanka. Chay Bahía de Caráquez, Chone, Pedernales llaktakunpi tiyak hampina wasikunatami kallaripika allichinka.
Kay Código de la Producción Allichina
Kay rimashka kamachiyta allichishpaka chay Polos de Desarrollo llankayta Mamallaktapi churanka, kay hatun llankaytaka tukuy llaktakunapi churanka, shimani mushuk llankaykunata maypimi llankay wiñarina kuskata rikushpa kullkiwan yanapanka, chaymi runakunaman llankaykuna mirarinka, kipaman kullkipash ña mirarinka.
Mushuk llankaykunata runakuna wiñachichun ashata churashka kullkita Mamallakta hapinka, kullkita churachun tukuy llaktakunapi yanapanka. Kayta katishpa runakunaman alli llankaykunapash mirarinka, mushuk mintalaykunatapapsh ñawpachinka.
Imashinami Gullermo Celi kamachiy killkak rimashka, shina Comisión de Gobiernos Autónomos tantaripash kay llankayman yaykurichun mañan, chay Tungurahua markaman 70 hunu kullkita churanka, ushuta llankaypi churanka, chayka 2.120 llankaykuna wiñarinka; Azuay markaman 10 hunu kullkita kachanka, hillaykunawan llankanka, 1.700 runa llankanka; 50 hunu kullkita, Manabí markaman kachanka, chayka 1.200 runaman llankayta kunka.
LILA/eg/jc-kixchwa
