Mamallakta Tantanakuy llankaymanta urayachishpa $ 93 kullkita hapirka

Lunes, 11 de febrero del 2019 - 15:09 Imprimir Elaborado por: Sala de prensa

Kulla killamanta, 524 awllikkuna, 137 kamachiy killkakkunata yaykuchishpa 5% patsakrita urayachirka.

Chaymanta Elizabeth Cabezas Mamallakta Tantanakuyta pushak, 10% patsakri kullkita urayarka. Kay, kallari killa, 2019 watapi, $ 93 kullkita ashayachishka, shuk watapika $ 1 hunu kullkita hapinka.

Llankay kullkita urayachimi Función del Estado rimashkata paktachin, chayka Decreto Ejecutivo 624 yupayta, 21 puncha, kapak killa, 2018 watapi kachashkata paktachin, chay churashka kamachiypimi hatun kamachikkunapak llankaymanta 5% patsakri kullkita urayachina kan nirka.

Shinallatak Mamallaktata yanapanarayku, Mamallakta Tantanakuy $ 58 hunu kullkimanta, $ 49 hunu kullkiman urayachirka, chay kullkiwan kunan wata llankanka.

Kay willaytaka Mamallakta Tantanakuyta pushak willana hillaykunapi, 3 puncha, kulla killapi uyachirka. Arinishka $ 58 hunuta, 2018 watapi arinishkamanta, 10% patsakri kullkita puchuchirka, chayka $ 6 hunu kullkimi nisha nin.

Kay kullkitaka, hatun kullkimanta: $ 3,9 urayachishkamantami hapirka; tukuchina kullkimantapash: $ 1,5 kullkita hapishka kan, shinallatak punchanta tukuchina kullkimanta: $ 1,1 hunu kullkita puchuchishka, llankaykunata willana.

LILA/jc-kichwa

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador