Mincha 13 puncha, panchi killa, 10:30 sayllata, Mamallakta Tantanakuy 578 yupay rimanakuypi chay Seguridad Social de la Policía Nacional kamachiyta kallari atinakuyta charinka.
Kay kamachiytaka René Yandún kamachiy killkak churashkami kan, chaymanta pay punchanta alli killkarichun allichishpa katin, shuktak mashikunaman, kamachikkunaman rikuchin.
Kay mushuk kamachiyta Comisión de los Derechos de los Trabajadores tantaripi rimanakurka, kayrayku Comandante General de la Policía kamachikpak, Director del Instituto de Seguridad Social Social de la Policía (ISSPOL) kamachikpak, Consejo Directivo del IESS kamachikpak, Ministerio del Interior kamachikpak, Excaja Policial kamachikpak, tawka kamachiy killkakkunapak yuyayta chaskirka, shuk punchalla kamachiy tukushkapak yuyayta chaskirka
Hayñita tikrachimuna
Kay mushuk kamachiyka tisiku runa, ruku runa Grupo de Pensionistas de la Excaja Policial runakunapak hayñita tikrachimuna hawami riman, samarikuk chapakkuna, payllatak anchurishka, chay tukuymanta tantachikpika 1.700 runakunami tukun.
Shillatak kay Disposición Derogatoria Cuarta del Código Orgánico de Entidades de Seguridad Ciudadana y Orden Público kamachiy, paypak 83 nikipi, chay Seguridad Social de la Policía kamachiypak 85 nikita allichinka, chay kamachiyka 1995 watamanta shamun, chay kamachymi yanapayta kichurka.
Mushuk kamachiy
Kay Comisión de Trabajadores minkashka, chay Grupo de Pensionistas de la Excaja Policial llankaymanta anchurishka kamachikkuna, utuyashka, suchuyashka, mankuyashka chapakkuna, 9 puncha, pawkar killa, 1959 watamanta, paykunapak hayñita charirayanka, ISSPOL kamakwasiman kullkita churanka, kay kullkikuna hampirinkapa kanka, wachankapa, wañushpa pamparinkapa yanapanka.
Ashtawankarin, Mamallakta paykunaman kullkita kushkakunaka kullki hayñita charinka, ISSPOL kamakwasiman kullkita churanka, paypak killa llankay kullkimanta hapinka, unkuypak, wachankapa, wañusha micharinkapa chay kullki yanapanka.
MG/eg/jc-kichwa
