Kay Comisión Ocasional, kay Actuación Integral en Casos de Personas Desaparecidas kallari kamachiypak nikikunata rikushpa katirka.
Shinami paktana yuyayta, karmata, kallarikunata, llankaywan chimpapuranata, runapak kawsayta, mana kutintak llakichina hawa, shuktak yuyaykunatapsh rimarka.
Pay, Absalón Campoverde, kamachiy killkak, kay tantarita pushak, shamuk pawkar killapi kallari atinakuyta charichun ña allichishka willay killkashka kanka, kunankamaka ñami 40 % patsakri kamuta allichishka kan, shinami Fiscalía General del Estado rimashkata paktachirka.
Chaymanta tantarikuna, chinkarishka runakunapak ayllukuna, Registro Civil kamaywasi, Ministerio del Interior kamaywasi, Fiscalía kamaywasi, Defensoría del Pueblo kamaywasi, Defensoría Pública kamaywasi, paykuna amawta yuyaykunata churarka, chaywan ashtawan allichinka.
Wakin nikikunaka chinkarishka runakunapak llakita harkay, kipuy hatun yuyaykunata charin, kay nikikunami Kamachiypak hatun yuyaykuna kan. Imakunata, yupaykunata tantachina yuyayta churan, kay willayta Fiscalía kamaywasi, Ministerio del Interior kamaywasi, kayman tukuykuna utkashpa yaykurinka.
Shinallatak uchilla yachanawasikunapi, pakta yachana wasikunapi kari warmi wawakunapak, pakta runakunapak llakita riksichina, willana, imashina paykuna kamarichun yachachina. Mana llakiman yaykurinataka tukuy kari warmi runakuna rikushpa, kamashpa yanapanata charin, shinami tukuyman riksichirka.
Kay Byron Granda, Asociación de Funcionarios y Empleados de la Fiscalía Provincial de Pichincha tantarita pushak, Jurisprudencia y Fiscal amawta chaypi karka, Asambleísta por un Día yachaypi karka. Paykunaka chinkarishka runakuna hawa Kamachiy tiyachun yanapay yuyayta kurka.
MG/eg/jc-kichwa
