Kay Ecuador llaktapi chuskuchunka watata wawakunata, imillakunata, rukukunata yachachishpa kawsamushkamanta Pedro Niño Calzada Mamallakta Tantanakuy kamariwan riksin.
Payka Instituto Radiofónico Fe y Alegría (IRFEYAL) pushak kushipatami kan, chaymanta Vicente Rocafuerte kamarita charichin.
Pay, Patricia Terán, Antimanta kamachiy killkak, paymi kushipataman kamarita chayachinata yuyarirka. Kay Irfeyal ankimi América Latina llaktakunapi willashpa, yachachishpa, alli yuyaykunata kushpa yanaparka, shinami 22 Mamallaktakunapi llankan.
Kay Ecuador llaktapi kari warmi wawakuna, 60 yachana wasipi kan, pakta yachana wasipi, yachachikkunwan rimashpa, killkashpa yachan, ankipi uyashpa yachan nirka, hunkapi shuk kutin llankaykunata rikunkapa yachachikwan tantarin, chaypi kunkarishkakunata achikyachin.
Shinami, kushipata Pedro Niño, payta yanapaykunawan yachayta, tantarikunata, ankipi rimashpa yachachishpa yanaparka, shinami Ecuador llaktapi kawsak runakunata yachachishpa achkata yanaparkas. Kay Fe y Alegría yachanawasikunapika, 20 waranka yalli yachakukkunami shutita kushka.
Payka runa chanipi yachachinatami munan, tukuykuna paykunapak yachana, llankana, wasi hayñita ukllachun yachachirka. Shinami payka runakunawan, tantarikunawan, kamaywasikunawan , kamachikkunawan kimirishpa sinchita llankan.
SV/eg/jc-kichwa
