Minkashka Tránsito kamachiyta atinakunkapa tantarikunata, llaktayukkunata kayarka

Miércoles, 13 de febrero del 2019 - 10:37 Imprimir Elaborado por: Sala de prensa

Shinami chay taxismo, Conaie, Cámara de Trasporte Intercantonal, Asociación de Tricimotos, Choferes Profesionales Independientes, Frente Femenino, Ecuador Libre, Consejo Consultivo tantarikuna Comisión Ocasional minkakshkaman shamurka.

Llaktakunamanta shamushpa 18 tantarikunami karka, chaypimi Tránsito y Seguridad Vial kamachiyta atinakurka, antawakuna ñankunapi ama sinkuchun harkanamanta mañarka.

Kay Fafo Gavilánez, kay kamachiyta llankak, tukuy mushuk yuyaykunata rimashka, alli yuyayta hapishpa kamachiypi yaykuchishun rimarka, kutintak rimaykunataka kamachiy killkakkuna samarishka kipami katinka nirka.

Shinallatak Karla Cadena kamachiy killkak, uchilla killku antawakuna, paykuna llankashkata kamachikkunaman rikuchina llikata charin nirka, shuktak llikata wiñachina mana mutsurin nirka. Katipika Jorge Calderón, Fedotaxis pushak, kay yuyaywan kimirishpa yanaparka, mushuk antawa tantarikunaman llankachun arinishka pankata ama chayachichun harkana, ñitirishka antawakuna ucha purinkapa ñankunapi ñitkarin, nirka.

Kutin, Javier Cadena ayllullaktakunapi, shulkakunapi, kitikunapi kamachiykunata churana nirka, chaywan Cootad kamachiyta paktachichina nishpa yuyayta churarka, chay yuyaykunawan alli kamachiy killkarinka.

Paymanta, Verónica Guevara kamachiy killkak, chay Luis Salazar, tricimotos antawaku tantarita pushak, kaypi hillaypi llankakkunata kamachiywan kamachun mañarka, gobiernos autónomos descentralizados kamachikkuna rikuchun mañarka.

Kay Leonidas Iza, Movimiento Indígena de Cotopaxi marka tantarita pushak, kaya kamachiy ayllullaktapi tiyak antawakunata riksichun mañarka, chay antawakuna ayllullaktamanta kapukkunata surkushpa achkata yanapan nirka.

MG/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador