Chay Miguel Rivadeneira willakwan rimashpa, Pushak Elizabeth Cabezas, Mamallakta Tantanakuy ukupi shuway ama tiyachun harkana nirka.
Kayta harkankapa kamachiy killkarikun nishpa, willana hillaykuna willachun mañarka.
Shinallatak kay tukuri punchakuna huchakuna rikurikpi, kamachiy killkakkunata surkukpi kamachiy mutsurikta rikushka.
Kay Ana Galarza kamachiy killkakpak huchata rimanakuy punchakuna mana kaypi karka, ista Mamallaktapi hatun tantaripi karkani nirka, Unión Interparlamentaria tantari, chay Suiza llaktapi pusharirka, shuk wata washamanta chay tantari pusharichun llankamushka kan nirka.
Kay 5 puncha, panchi killapak tantari rurarina rikushka karka, kulka, 7 puncha sakirishka kan, shinallatak Lourdes Cuesta, kamachiy killkak, chay Comisión Multipartidista ukuman yaykurishka, unkurishka kani nishpa, 5 puncha kipaman shuktak punchata rikuchun mañarka,
Shinallatak, Mamallakta Tantanakuypak ukupi ancha llakikuna rikurin nirka, kay llakikunata mana alli kakta rikukkunaka 28% patsakrimi kan, kayshina huchakunaka tukuy allpapachapimi shina rikurin, shinami llaktakkuna rikuchin, mana alli rikushka kan nirka.
Kay Hermuy Calle, kamachiy killkakta llankaymanta surkuna, kullakilla tukuri punchakunami Contraloría kamaywasi rikuchishkata chaskirka, kunan chishimi Consejo de Administración Legislativa (CAL) tantari riksichina nirka, imashina kay llaki kashkata riksishpami arininka, mana ninka. chay Hermuy Calle kamachiy killkak, Tribunal Contencioso Electoral kamachik ama huchachichun shuk mañayta churarka.
SV/ds/jc-kichwa
