Tantararikuna, kiti ayllullakta pushakkuna, llaktayukkuna, kamachiy killkakkuna Elizabeth Cabezas, Mamallakta Tantanakuy pushakta chaskirka.
Chay runakunaman, pay 2018 watapi llankashkata, mashna kamachiy arinirishkata, mashna kamachiy allichirikushkata, llankayta katikushkata, shuktak llankaykuna pusharikukta riksichirka.
Chayka Tren de Chimbacalle-Quito kuskapi pusharirka, chay kuskaman, kulla markakunamanta riksik runakunawan punchanta antakurupi chayamun.
Pay imashina Mamallakta Tantanakuyman chayashkata riksichirka, payta yanapashpa apuchishkamanta yupaycharka. Hatun llakikuna tiyak pacha llankay kallarishkata willarka, shinapash kamachiykuna killkarishpa, allichirishpa katishkata willarka.
Pay, tukuy llaktay tantarikunata pushakkunawan rimanakushpa Mamallakta Tantanakuypak katikillata arinishkata willarka, kay katikillaka llaktapak kullkita, kapukyay, llankay wiñarina, kamayta charina mutsuyta rikushpa rurashkami kan nirka, kunan wata, aymuray killakama 45 kamachiyta arinishun nirka.
Shuktak kamachiykunawan yachakukkunapak, yuyak runakunapak, llankaypi rukuyashkapak, Antisuyu runakunapak, kawsaytarpuypak, runapak hayñi hawa llankakpak mutsuyta yanapashkata, shuktak yanapaykuna kushkata rikuchirka. Kay llankaykunawan llaktakunapak, runakunapak munayta sinchiyachishkata runakuman willarka.
Kunan wata, kullakillamanta, Antisuyu llaktakuna $ 400 hunu kullkita paykunapak mutsuykunata allichinkapa hapinka, chayka: tiksi llankaykuna, wasikuna, ñankuna, yachay, riksina llankay, mushuk llankakykuna mirarinka. Shinallatak 2018 watapika, paklla kamakwasiman yaykurishka runakunaman $ 65 kullkimanta, $100 kullkita sapan killa, iskun waranka ruku yachachikkuna tukuy yanapay kullkita hapinka.
Mamallakta Tantanakuy 119 kutin rimanakuyta charirka, chay ukupi 29 hatun kachashkakunata chaskirka, 15 hatun kamachikkuna rikurishka. Minkashka tantarikunaman 700 awllikkuna, kamachikkuna, shukpaklla, tukuylla kuskakumanta waranka yalli runakuna shamushka chayamushka.
LILA/ds/jc-kichwa
