Shinami Mamallakta Tantanakuy audiovisual llankay Mamallaktapi pusharichun, Comunicación Hatun Kamachiypak 98 nikita allichishpa yanapan.
Kay Ecuador llaktapi rurashka willaykunata, kuyurik shuyukunata yapa churachun yanapan.
Shinallatak kay llaktapi kawsak runakuna, Ecuador llaktamanta istallaktakunapi kawsak runakuna rurashka kapukkuna katurichun mañarka.
Shinallatak istallaktakunapi rurashka willay kapukkunata kay llaktapi purichichun kamachiy harkan, Ecuador llaktapak shutipi rurashka kapukkunatallami kay llaktapika purichinka, katunka, rakinka. Chaykunatami kay mushuk kamachiyka mañan.
Kamachiy, paypak llankaywan paktachun, karu rikuchik kapukkunata, arawa shuyukunata, ankipi uchilla willaykuna, chuya pupashka shuyu, rantichun, katunkapa rurashka uchilla willaykuna, ñukanchik Mamallaktapi rurarinka.
Shinallatak, ankipi, karurikuchikpi rurashka shuyukuna, arawikuna, killkakkuna, pupakkuna, willaykuna uyachishka, rikuchishka punchamanta 180 punchakama wakaychishka kachun mañan, kayta paktachichun Kamachiy kayan.
Shinallatak, willana hayñita ukllan, kay willaykuna shuyuna, pupakuna, shuktak ruraykunapash allikawsayta mana llakichinaka, chay Ministerio de Salud kamaywasiwan mana takarina kanka, mikunakunata mikuchun willashpa runata ama unkuchichun mañan, willashka hampikuna alli, pana kupayashka kachun suyan.
Kaya kamachiyta, 115 kamachiy killkakkunamanta, 109 apuchiwan arinirka, shinami Comunicación hatun kamachiy arinirka; kutin 75 apuchiwan, Mamallakta Pushak 22 allichishkakunata arinirka, kipaman Registro Oficial kipuk wasiman kachanka.
JLVN/jc- kichwa
