Mama Patricia Yallico, llaktakunapak, runallaktakunapak shutipi rimarka, payka Mamallakta Tantakun kuyurik shuyuta yanapayka wiñaykawsaymi Patricia Yallico rimarka.
Kay Comunicación kamachiypak 98 nikimi yalli yanapak kan, shinami Ecuador llakta kuyurik shuyu mirarichun achkata yanapan.
Tawka tantarikunami shuklla yuyaywan llankashpa ruraykuna paktachun llankakun, paykunami ñakarishpa punchanta paktakankapa llankan, ñakunapi kaparishpa, mañashpa llankan, runakunapak willana llikapi willaykunata rimashpa, kunan imatalla rurashka rikunami ña pacha kan.
Kunanka, ñami Fomento Productivo kamachiyta charinchik, shinapash Ministerio de Finanzas kamachik, Servicio de Rentas Internas (SRI) kamchik kullkita kachachun uchilla kamachiy illan nirka, shinami Mamallaktapi kapukkuna mirarichun achkata harkarin, Mamallakta Pushakmi chay Ministerio de Cultura allita llankachun sinchita yanapanata makipi charin, punchanta llankashkakunata katichun mañanchik.
Ankipi rimashpa, chay Comité Empresarial Ecuatoriano, chay Comunidad Andina (CAN) rimashkata atirirka, Hatun kamachik, Orgánica de Comunicación (LOC 98 nikita annchuchichun mañashka, chayka mana alli kan nirka, chay tantari kachanamanta mutsurik nipakunata Mamallakta ukuman apamuchun harkan.
Llaktakuna, runa llaktakuna, yanallakta, yunkallakta sapti willaykunai tiyachun shyuyan, chayman runakuna paykunapak shimipi rimankapa yaykurichun punku paskashka kachun mañarka, tukuylla willana hillay, shukpaklla willana hillay punkuta paskachun mañan, paykunami hatun willayta, kikin kawsaytarpuyta hatunyachichun yanapanka.
MG/eg/jc-kichwa
