Palanta chanita rikunkapa minkashkakunata tiyachikrin

Miércoles, 20 de febrero del 2019 - 15:22 Imprimir Elaborado por: Sala de prensa

Palanta llankaykunata wiñachinkapa, llankakwasiyachinkapa shuk kamachiy mutsurikta rikushpa, palanta chanita rikunkapa minkashkakunata tiyachinka.

Shinami mushuk mutsuykunata llankaypi paktachinka, chaymanta Comisión de Soberanía Alimentaria tantari, 44 llankak tantarikunawan rimanakuyta charinka kay kamachiy kallari atinakuy yallinka.

Kay Ecuador llaktami allpapachapi rikukpika kallari palantata kanchaman katuk llakta rikurin, shinami kimsa waranka hunu kullkita sapan wata hapin.

Palantata kipuk 162.234 tupu allpami palanta tarpushka tupu kan, chaypika 4.473 llankakkuna llankan, chaymanta 78% patsakrimi paypak allpata charin, paykunaka 30 tupu allpata charin, 22% patsakri tarpushka allpa, shinami Ministerio de Agricultura kamachik willarka.

Kay llankaykunaka runakunaman llankay kun, chay llankashpa, karumanta llankashpa runakuna yanaparin, palanta chakra ukupi antawanakuna llankan, wampukpi apachina, chuya tulukunata ruraypi, zirpa iskankakunata ruraypi makita hapin, wanukunata ruraypi, hampikuna ruraypi runakuna llankan, shinami ishkay hunu ayllukunata yanapan.

Kay kamachiypi uchilla tarpukkunapak yuyayta hapin, chay hapishpa shuktak palanta chakrakunata tarpunata harkan, Mamallakta mutsukpi Presidencia de la República kamachik arinishkawan, Mamallakta Tantanakuy arinishkawan kamachiy llukshinka, shinami plátano, orito, banano orgánico shuktak musáceas murukunata ama tapuchun harkan.

Palanta ruruta pukuchikkuna, mintalakkuna, istaman katukkuna, rurtua katunkapa shuk yuyarita churanka, ashalla paktalla chanita churanka, chaywan katushpa katinka. Sumakruray tantaripimi Ministro de Agricultura kamachi rimayta charinka, payka mana minkashkata churanka; kay Autoridad Agraria Nacional kamaywasipi kipushka sukta pukuchikkuna, sukta istaman atukkuna chaypi kan.

JLVN/sv/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador