Kay wata tukuripi 40 waranka pakta yachakukkuna, hatun yachawasiman mana yaykurita usharka.
Shinallatak yapa yachakkuna tiyakpi, yachana uku mana tiyakpi, tiyarinakuna mana tiyak kullki illakpi kanchaman sakirika.
Kunanka, kay Educación Superior (LOES) kamachiy arinirishka pachamantami achka yachakukkuna yaykurinata ushanka.
Kay mushukyachishka kamachiyta Mamallakta Tantanakuy, 2018 watapi arinirka, kipaman Kamachiy Kipupi 297 yupaywan, 2 punchapi arinirirka, kay kamachiymi pakta runakuna hatun yanchana wasipi yachachun ñanta pashkan, llakta ushayta kuna, alli yachaykunata hapichun yanapan.
Kay kamachiyka yachakukkuna imata yachana, mayhan yachanawasipi yachanatami achkata yanapan, kayta mayhanpash mana kichunkachu, paykunami munaywan, kawsana wasimanta mana karupi kachun akllanata ushanka.
Yachayman yaykurinkapa kay Ser Bachiller taripay mutsuyka mana chayllachu kan, kunanka amawta yachaytami tapunka, kullkita charik, mana charikta tapunka, wakcha kakta, imashina kawsaktami tapun, maymanta shamuktapash tapun.
Kay Institutos superiores técnicos yachana wasikuna
Pakta runakuna tukuylla, shukpaklla kay institutos superiores técnicos, tecnológicos, pedagógicos, de artes y los conservatorios yachana wasikuman yaykurinata ushan, chay yachaykunaka kipaman chusku pata sumakruray hatun yachayman yaykurichun ushachinka.
MG/eg/jc-kichwa
