Mamallkata Tantakuy aymuray killakama tawka kamachiykunata arininka, kay kamachiykunata shukkutin, ishkaykutin arininka.
Kay kamachiykunaka Mamallakta, markakunapi, Mamallakta saywakunapi kullki llankayta allichirichun, llankaykuna wiñarichun yanapanka.
Shinami tukuy llaktayukkuna allichirinka. Shinallatak Mamallakta pushak kay: Eficiencia Energética, Servicio Público sobre permisos médicos, Prevención y Sanción de la Violencia en el Deporte kamachiykunatapash arininka.
Shinallatak Código de Salud kamachiyta, Comercio kamachiytapash arininka. Kay tukuri kamachiytaka 544 tantaripi, 23 puncha, wayru killa, 2018 watapi mana arinishka karka, kunankama shuyakun. Kay Seguridad Integral del Estado kamachiy ishkayniki atinakuyapak shuyakun.
Mamallakta Tantanakuy Corte Constitucional kamaywasi, Defensoría del Pueblo Hatun Kamachiyta arinichun shuyakun; Código Orgánico General de Procesos kamachiytapash mushukyachinka; kay Personas Adultas Mayores Hatun Kamachiypash arinichun shuyakun, kay kamachiytaka Mamallakta Pushak allichishka kan.
Kay Función Legislativa Hatun Kamachiy 65 nikipi rikuchishka shina, Mamakamachiy ukupi kanchu nishpa kutintak Mamallakta Tantanakuyman chayachinka, kaypi nikikunata allichinka. Mamallakta Tantananuyka shuk atinakuypilla arininka, kipaman Mamallakta Pushak arinichun, mana nichunpash kachanka. Shinami shuktak kamachiykunatapash Mamallaktapak alli kachun llankanka.
JLVN/eg/jc-kichwa
