Kay 1998 watapi 160 Mamallaktakuna chay Estatuto de Roma kamachiywan, Corte Penal Internacional kamaywasita wiñachirka.
Kay ista kamaywasika runakunata wañuchikpi, Mamallaktapura makanakuypi mayhankunatalla huchachinata, wanachinata yuyarirka.
Kay killkapi Ecuador llaktapash shutita aspirka, kaytami Comisión de Relaciones Internacionales minkashka rikukun, chayta rikushka kipami shuk willayta allichikun, chaywan ñukanchikpak Mamallakta arininata, mana ninatapash rikunka.
Mushuk yuyaykunata uyankapa Marcela Aguiñaga, Comisión de Justicia tantari minkashkata uyarka. Kamachiy killkak, Ecuador llakta, kutintak chay Enmiendas de Kampala yuyarita arinichun mañarka, chaywan hatun huchakunata wanachinkapa, sakichinkapa yanapanka, ñukanchikpak llakta ukupi achka huchakunata allichishka, wanachishka kanka.
Kay 2014 watapi, chay Có/digo Penal kamachiyta, waktay huchata wanachichirka, chayka 26 watamanta, 30 watakama wchkawasipi kachun churanka, mayhankunalla Mamallakta chinkanyashka llaktayta, llaktata, runakunata wañuchinkapa, waktankapa, chukrichinkapa, ayñiwan llapinkapa allichirikta huchachinka.
Iamashinami kay Enmienda del Estatuto kamachiyta allichishpaka, mayhan Mamallaktapash ayñiwan llakichishpaka, shukpak Mamallaktapak awkita llapikpi, llakichikpi, chikanyashka llaktayta takakpi hatun huchata aparinka, shuktak Carta de las Naciones Unidas kamachiyta pakikpi hatun huchata aparinka.
Kay Armas Nucleares ayñiwan mana makanakuna
Tayta Juan Hernández, Comité Internacional de la Cruz Roja kamachikpak yuaywan, Minkashkakuna chayTratado sobre la Prohibición de Armas Nucleares kamachiyta rikurka, kay yuyayripi Ecuador llakta, 2017 watapi arinirka.
LILA/eg/jc-kichwa
