Kay Quito llaktapi, kay Cuarto Encuentro de la Red de Parlamento Abierto rimanakuy kunan tutamantamanta kallarirka.
Kay tantaritaka Parlamericas tantarimi pushakun, ista llaktakunapak tantarimi kan, apyayalapak 35 América, Caribe tantarimi kan.
Kunanpika Control político, transparencia, participación ciudadana yuyaykunatami rimanakunka. Kay tantarika, kay killa, 12 punchamanta, 14 punchakama pusharinka.
Kayna 12 puncha, kay Consejo de Administración del ParlAmericas pushakkuna rimanakuyta charirka, paykunami ista llaktapak kamachiy killkak tantarita pushan. Paykunapak katikillapi shamuk 2020 watapi llankana yuyaykunatami rimanka.
Kay ParlAmericas tantarika, Red Parlamentaria para la Igualdad de Género tantari, Red de Cambio Climático tantari, Red de Parlamento Abierto tantari wallparin. Kay tukuri tantarika kimsakutinmi rimanakuyta ña charishka: Paraguay, Costa Rica, Perú llaktakunapimi rimanakuyta pusharka, chay tantarikunapimi tantarina punchakunata, imatalla rimanata rikurka, shinami kamachiy killkakkuna Plan de Parlamento Abierto tantarita kamaywasiyachinka.
Kay Parlamento Abierto tantari Mamallakta Tantanakuypak llankayta paskanami kan, chaywan kamachiy killkarichun runakuna yuyayta churan, achiklla llankayta churan, tukuylla willaykunaman yaykurin; kamachikkuna llankashkata rikuchin; runakuna, llaktayukkuna yuyayta kushun punkuta paskan; kamachiy killkakkuna alli yuyayta, asti kachun yanapanka.
Kay chuskuniki tantaripika llaktayta chapana rimaymi kan, kamachiy killkakkunapak rimanakuyta llaktayukkunaman pushanami kan. Shinami Blanca Ovelar, senadora, Paraguay llaktamanta, Red de Parlamento Abierto tantarita pushak, willana hillaypi rimarka, shinallatak Robert Nault, Canadá llaktamanta kmachiy killkak rimarka, kay Ecuador llaktamanta, Mamallakta Tantankuyta pushak, Elizabeth Cabezas rimarka, shuktak kamachiy killkakkunapash rimarka.
LILA/jc-kichwa
