Mamallakta Tantanakuyta pushak, Elizabeth Cabezas, chay Universidad Internacional de la Rioja (UNIR) hatun yachanawasita pushak, José María Vásquez García kamachikwan shuk yuyarita killkarka.
kay yuiyariwan kamachiy killkakkuna, Mamallakta Tantanakuy mitachikuna kamachiy hayñita, kamachiy killkana sumak rurayta yachanka.
Mamallakta Tantanakuyta pushak, chay Universidad Internacional de la Rioja (UNIR) hatun yachanawasi pushakta yupaycharka.
Mamallakta Tantanakuypak runakuna yachachun may sumakmi kan nirka, paykunaka punchantami chikan chikan kamachik tantarikunapi yanapan. Shinallatak wallpakkuna, yachaykunami runakunata sinchiyachin, shuwana yuyaymanta anchurin nirka.
Shinallatak Mamallakta Tantanakuyta pushak shinami kunanlla, suniman chayanata yuyashpami kamachikkuna yachachun, yachak awllikkuna kachun yachana ñanta mashkan, chaymi kipaman Mamallakta Tantanakuyta yanapanka.
Paymanta, José María Vásquez, UNIR hatun yachana wasita pushak, Ecuador llaktapi kawsak runakuna, pay pushashka hatun yachawasipi shunkuta churashkamanta yupaychan, paypak sinchi ushayta churashpa makita kushpa shuktak yachaykunawan yanapanata arinirka.
Kay Ecuador llaktaman shamushpa, Robert Nault chay ParlAmericas tantariman shamushpa, imashina yuyarita killkashpa arinishkata riksik sakirirka, kipama ima llaki tiyakpi paymi imashina kallarishkata willanka.
SV/jc-kichwa
