Kay Richard Martínez, ministro de Economía kamachikta, payka chay Fondo Monetario Internacional kullkiwasimanta $ 652 hunu chaskishkata willarka.
Chay kullkimanta $ 359 kullkita runakunapak llankayman, uchilla hillaykunaman kachanata willarka.
Puchutaka chay Gobiernos Autónomos Descentralizados, Agua para Todos, riesgo llankaykunaman kachanata riksichirka
Mamallaktapak Hatun Kamachik, Comisión del Desarrollo Económico tantariman shamurka, Ecuador llakta tawka ista kamachikmanta mañachishka kullkita hapishpa mayhan llankaykunaman kachanata willarka, Elizabeth Cabezas, Mamallakta Tantanakuyta pushak, Esteban Albornoz, Minkashkata pushak, kullkikuna chayamushkata riksina allimi kan nirka, shuktak yuyarikunatapash riksichirka.
Hatun Kamachikpak yuyaypika, Ecuador llakta $10.200 hunu kullkita chaskinka nirka. Chay Fondo Monetario Internacional $4.200 hunu kullkita kunka; ñami $ 652 kullkita chayachishka nishpa willarkas; chay Banco Mundial y el Banco Interamericano de Desarrollo $3.500 hunuta kunka; Banco de Desarrollo de América Latina (CAF), $1.800 kullkita kunka nirka;
Shinallatak Banco Europeo de Inversiones, Fondo Latinoamericano de Reservas, Agencia Francesa de Desarrollo kullki wasikunaka $ 800 hunuta chayachinka nishpa willan. Tukuymanta tantachishpaka $ 6.700 hunumi chayamunka.
Kaykunata rikushpaka Mamallakta Tantakuyman churashka kullki kamachiyta mushukyachichun kachanka, chaypi imashina churashka kullkita tantanka, pakta kullkita kuchun, utkashpa, hawalla churashka kullkita kuchun ñanta mashkana kanka nirka. Kunan watapi kay Código de la Producción kamachiy, Código Monetario kamachiy, shinami Banco Central kullkiwasi chikanyashpa llankachun mañarka, tukuylla llankaypi kullkita tukuchishka achiklla rikurichun nirka.
LILA/ds/jc-kichwa
