Kay Comisión de Participación Ciudadana tantari, Mamallakta pushak, chay Defensoría del Pueblo kamachiyta allichishkata arinirka.
Paykuna Corte Constitucional kamaywasi churashkata 10 nikita hapirka. Kay kamaywasika payllatak hayñikunata, pachamamata ukllachun churarka.
Kay Héctor Yépez, tantarita pushak, Corte Constitucional, kamaywasi churashkata hapirka, Mamallakta Pushak 24 nikita arinishkata chaskishpa arinirka.
Chaypimi chay Defensoría kamaywasi payllatak llankachun arinin, shinami payllatak hayñikunata, pachamamata ukllachun churarka, pachamamamanta hapikkunata, mawkayachikkunata charichun ukllan, chaymanta kay kamaywasi yacharina kan.
Ashalla hayñita charik runakunata, Mamallakta llakichishka runakunata ashtawankarin hapin, chay Corte kamaywasika maypimi hayñikunata mana kamashpa llakichiktami ashtawanakarin kamachun mañan, chaywan kamaywasimi hayñikunata ashtawan kamashpa, llaktakunapi paktachishpa llankanata charin, chaymanta Corte rimashka nikita mana shuktakyachin.
Kay muchuk kamachiyka, hayñikunata llaktakunapi willachun, yachachichunmi achkata yanapan, chay llaktakunaman takaykuna ama chayachun, kunan Mamakamachiypi rimashka hayñikunata wakcha runakunaman, purik runakunaman achiklla chayachichunmi yapa rikuchin, shinami Defensor del Pueblo awllina, llankana kan; karupi kikinllatak llankachun ñanta paskan, chaymanta tukuy markakunapi shuk wasita charin, chaymanta llakirishka runakunata yanapan.
MG/eg/jc-kichwa
