Shinami kamachik, Elizabeth Cabezas, Mamallakta Tantanakuyta pushak, 577 tantanakuyta katinkapa, 27 puncha, pawkar killa, 12:15 sayallata rimanakuy kallarinka.
Chaypi rimanakuypimi Fiscal General del Estado (e), Ruth Palacios kamachik chayamuchun arininka, chay kamachikmi imashina Odebrecht llankakwasipak llakita taripashpa katishkata riksichinka.
Kay mañaytaka Ángel Gende kamachiy killkakmi churarka, payka 13,5 hunu kullkita Mamallaktaman tikrachichunmi mañarka, chay kullkitaka Tomislav Topic runa, Odebrecht llankak wasimantami tikrachinata charin.
Ashtawankarin, tawka willana hillaykunamantami Luiz Mameri rimashka uyarin, payka Compañía Brasileña llankak wasimantami kan, payka 4,5 hunu kullkita, Alexis Mera kamachiy killkakamayuk kamachikman chayachishkatami willan. Chaytami Mamallakta Tantanakuyka chayachimunkakama katinka.
LILA/eg/jc-kichwa