Mamallakta Tantanakuyta pushak, Elizabeth Cabezas paypak mitapi yallita llankarka, chayka José Serrano kamachikpak, Gabriela Rivadeneira kamachikpak yapa llankashkami kamachikkuna mana alli llankakpi, huchata charikpi llaktay wanachiyta rurarka.
Kunan Consejo de Administración Legislativa (CAL) kamachik, kanchis llaktay wanachiy mañayta arinirka, chayta Mamallakta Hunta Tantanakuypi atinakurka, shinami: Carlos Baca Mancheno, fiscal General kamachikta wanachirka, llankaymanta surkurka; Carlos de la Torre, exministro de Finanzas kamachikta, wanachirka; Diego García Carrión, exprocurador del Estado kamachikta llankaymanta surkurka.
Shinalltak Gustavo Jalkh, hatun kamachikta, Consejo de la Judicatura kamachikkunata; Christian Cruz, exsuperintendente de Bancos kamachikta; Rubén Flores, exministro de Agricultura kamachikta, Comisión de Fiscalización kamachik mana arinishka karka.
Kunanpi, Comisión de Fiscalización minkashka kamachikkuna, chay María Fernanda Espinosa, exministra de Relaciones Exteriores y Movilidad Humana kamachikta wanachinkapa katikun.
Kutin José Serrano llankay mitapi ishkay llaktay wanachiyta mañarka. Chay excontralor del Estado, Carlos Pólit kamachikta wanachirka. Jorge Glas Espinel, Mamallakta yallikkipapushakta wanachinkapa chawpipi sakirka, chayka Comisión de Fiscalización ukupi sakirirka, llankayta sakishkamanta mana usharirka nishpa sakirka.
Kutin Gabriela Rivadeneira (2013 watamanta, 2017 watakama) mayhan hatun kamachikpash mana wanachishka karka, llaktay wanachinakunatapash mana arinirka. Shinami kay willaypika rikurin.
EG/Jc-kichwa
