Minkashka kamachiy killkakkuna llaktayukkuna tukuypak wasi, chirli yaku mañayta uyarka

Jueves, 09 de mayo del 2019 - 11:58 Imprimir Elaborado por: Sala de prensa

Tsirpa killu killpak pankata charishpa; kamachiy killkakkunapak tantarina ukupi Juan Coba shuyarka, payka Urbanización Turubamba de Monjas, Quito llaktamanta karka.

Kay Comisión de Gobiernos Autónomos tantari, 15:00 sayllata, aymuray killa, 8 puncha chaskina karka.

Shinallatak  chay pachami pay munashkata churanka. Kamachiy killkakkuna tantarishpa, chay mañayta riksirka.

Kay urbanización municipal wiñarishka 27 watata charin, 946 chiktashka allpami kan, chay milka allpaka 75 tupu, 112 tupu tawa allpata charin. Imashinami, Coba rimashka shinaka, hatun llakika kan, wasita allichinkapa kullkita mañana, shuktak mutsuykunata, katunkapa mañanata mana ushachin nirka.

Kay “tukuy ñukanchikpak kana hayñita hapinka allpata rantirkanchik, shinapash Municipio de Quito kamaywasi mana punkuta paskan. Kay 2013 watamanta kay harkakunata anchuchinkapa mañashpa shamunchik, arinishkata manarak chaskishkanchikchu. Mayhanpash kay llakikunata allinata mana arinishkachu”, willarka.

Tantarishka kamachiy killkakkuna Código Orgánico de Organización Territorial kamachiyta, shinallatak mushuk Vivienda de Interés Social kamachiyta allichikukta rikushpami kay mañayta churashka kan, mushuk kamachiy achiklla rikuchichun nirka, kay llakita utka allichichun mañarka.

Shuktak mañayka, maypimi runakuna kawsana wasita charik kuskakunapi llankaywasikunata, kapukyachik wasikunata rurachun, kamachikuna ama arinichun mañarka. Chay llankak wasikunaka runakunapak kawsana kuskata, samarina pampata, wayrata mapayachin nirka, tawka runakunami Camal Metropolitano kuchupi kawsan, paykuna mana alli samay kawsayta charinchu, nirka.

LILA/eg/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador