Kay 113 watata charik kamachiyta Mamallakta pushak allichishkata mushukyachinkapa Kamachiy Kipuman rinka, kipaman llankankapa llukshinka.
Kay kamachiyka llaktakunapi kullki wiñarichun, mintalaykunata yanapanka.
Shinallatak kullki paktakayta mirachinka, kullki llulla tiyakta allichinka, Mamallakta Istallaktakunawan mintalay tiyachun ñanta kunka.
Mamallakta pushak 135 nikikunata shitarka, nishpaka 10.16 % patsakrita anchuchirka, sumakruray rimak nikikunata ashwankarin anchuchirka, nikikunata shitayka hawa hawalla wallpatami yapa allichirka, shinami kamachiy killkak Pabel Muñoz willarka, kay Código de Comercio kamachiyka, 1.328 nikikunatami charin, kunan pacha mintalana yuyaykunatami pallan.
Mamallakta Tantanakuy Comisión de Régimen Económico tantari mañashkatami hapirka, chaymanta 17 nikikunatami arinirka, shinallatak Mamallakta Pushak mushukyachishka 117 nikikunata arinirka, shinami alli kamachiy killarin.
Kay mintalana kamchiywan katuna llankaykuna achikyarishpa rantinchirinka, katuna rantina yuyay mushukyanka, zirmata katishpa katuna rantina yaykurin; katuna pankakunapak mita suniyan, kunanka kimsa watakama kan, chaymanta pichka wataman chutarin, shinami (letras de cambio, pagaré a la orden, cartas de crédito) shuktak pankakunapash kan.
Kay kamachiywanka paktalla, uchilla llankakwasikuna wiñarinka; pankakunata hawalla killkachina tukun, katuna pankakuna hawalla kipurin; paktarakita ushachin, paktapakta katuchin, yupanakuna hawalla kachun yanapan; mintalana, apanana, alli shunkuwan mashikunata chaskichun yanapan, kamachiwan katuchun mañan, runakunata, pachamamata mana llakikichichun yanapan. Katuna yachayta chanin, llashakta katuchun riksin; warmikuna, wakcha runakuna katuchun ñanta paskan.
JLVN/eg/jc-kichwa
