Chay Cotopaxi markamanta yachakukkunaka Cutuchi, Yanayacu, Cununyacu, Pomacuchi, Alaquez tantarikuna tiyarirka.
Paykunami Mamallakta Tantanakuy tukun, kay Universidad kamachiyta wiñachinka, imashina Mamallaktapi llankanata pukllashpa rikuchirka.
Chayman Universidad Técnica del Cotopaxi yachanawasimanta tawka yachakukkuna shamurka, chaymanta mushukkunata yachashpa kushilla karka.
Chay Estéfani Cadena, Ciencias Agropecuarias yachakun, Mamallakta Tantanakuyta pushak tukurka, paymi Educación Superior kamachiyta allichishun nishpa kayarka, kipaman ña tukuykunallatak atinakuyta kallarirka.
Shinallatak Jonathan Bombón kishpiyrishka hatun yachana wasiman yaykurinata mañarka, tawka watata yachakukkuna hatun yachana kamaywasiman mana yaykurinata ushan nirka, tapuykunata anchuchichun mañarka.
Shinalltak María Fernanda Palacios yachakuk, yachaymanta ama kullkita mañachun nirka. Achka yachakukkunami kullkita mañashpa yachan nirka, yapa kullkimi kan, sumak yachaykuna tukuylla hatun yachana wasi kullkita ama mañachun nirka.
Kay rimanakuyta tukuchishpa, Comisión de Educación, Carlos Quishpe tantarita pushak, yachakukkuna llankashpa yachakpi kullkita kushun mañarka, kayka kallari yachaymi kanka, shina paktapakta kachun yuyachirka, kay mañayka 117 apuchiwan arinishka karka.
SV/eg/jc-kichwa
