Ishkay chunka chusku kamachiykuna arinishka kan, shinami Ecuador llaktapi kawsak hunu hunu runakunaman yanapanka.
Chay Acuerdo por la Gobernabilidad shutita charin, chaypika 250 tantarikuna llankarka, chaytami Otto Sonnhenolzner, Mamallakta Kipapushakman chayachirka.
Chay anchis llaktay wanachita rurashka kan; Mamallakta Tantanakuypak llankayta ista llaktakunaman riksichishka kan; kamaywasikunwan, kamachikkunawan, llaktakunawan rimanakuyta charishkatami Elizabeth Cabezas Guerrero, willana hillaykuna riksichirka.
Kay mushuk kamachikkunata llankaypi tiyachishka kipa, Mamallakta Tantanakuy ukupi llakta ushaykuna sinchiyanka, llankaywan kimirk kamachiykuna ashtawan allichirishpa llankanka, shinami runakuna kamayta, kapukyayta, chimpapurayta, runakunaman yanapayta kunka. Llaktay tantarikunata pushakmi 2019 watamanta, 2021 watakama katikillata churarka.
Mamallakta Tantankuypi achiklla llankashkata rikuchirka, kaymi Red Latinoamericana de Transparencia Legislativa paktachun yanaparka.
Kay Ecuador llaktata 13 Mamallaktamanta suyupi pichkaniki kuskapi shayachirka. Shinallatak chay Fiscalía, Unidad de Análisis Financiero (UAFE), Procuraduría y Contraloría kamaywasikunawan alli yuyarikunata killkashkata riksichirka. Kay tukuri kamaywasika kay killa, sarun 8 punchami mañayta churarka, chayka 14 puncha tukuchishka kachun nirka, chaywan wakin pacha mañay mashkayta churana nishka.
Kay Comisiones Permanentes, Ocasionales tantarikuna llankashkata riksichirka. Shinallatak Aampetra, Gabela, Transporte, Seguridad Vial, Frontera Norte hawa llankashkata riksichirka. Imashinami Gabela llaki hawa, kamachiy killkak pataku shuk willayta killkarka, chaytaka Fiscalía kamaywasiman kacharka.
Shuktakamanta rimashpaka, mushuk kamachikkunata akllanamanta rimarka, chayka, manarka akllarishpa ña pushak tukunata mana rimachun mañarka. Mayhan Mamallakta Tantanakuyta pushayman chayashpaka tukuy kamachiy killkakkunata shuklla yuyayta charichun chayachina kan, nirka. Mamallakta Tantakuywan imashinami 15 killata llankamushkanchik shina llankachun mañarka.
SV/ds/jc-kichwa
