Willana hillaykunapi, Mamallakta Tantanakuyta mushuk pushak, César Litardo Caicedo, kallari willayta willana hillaykunapi rurarka.
Chaypimi runakuna shamuchun rikrata paskani, llankaykunatapash rimanakushpa, yuyarinakushpa rurashun nirka. +
Mushuk llankaykunaka: alli kamachiyta killkana, llakikuna tiyashkata allichina, minkashkakunata tiyachina, nirka. Tukuy llankayta rimanakushpa pushanchik willarka.
Llaktayukkuna mutsushkakunata tikrachichun llankaykunata ruruna, chayka: kullki kutintak mirarichun, tarpuykuna mirarichun, llankaykuna tiyachun, runakunata kamachun, unipak llaktay tiyachun, shuktak alli llankayta rurachun mañarka. Chaymanta 800 mushuk llankaykunata rurana, chaymanta 180 kamachiykuna, shuktakkunapash minkashkakunapak makipi kan.
Mamallakta Tantanakuypi Código de Salud, Tránsito, Fortalecimiento de la Seguridad Ciudadana kamachiykunata atinakunka. Kamachikkunapak llankaykunata katishpaka chay María Fernanda Espinosa, yallik ista kamachikpak llakita katina, chaytaka shamuk awaki 20 puncha rimanakunka, kipaman, Ina Papers llaki hawa, chay Arroz Verde llakitapash rimanakunka. Chaykunata Comisión de Fiscalización tantarikuna, chikan chikan atinakunka.
Rimanakuna patakupi, kaya 16 puncha, aymuray killapi kamachiy killkakkuna rimanakuypika, tukuykuna yuyarishpa llaktata yanapana llankaykuna hawa llaktay tantarikunawan atinakunka, chayka: alli llaktayta pushana, shuklla yuyay tukushpa kamachiywan llankana kanka. Ñami 90 % patsakri hawa llankaykunaka achiklla kan. Kay Alianza País tantarimi chusku, mana kashpaka pichka patakuta charinka.
LILA/eg/jc-kichwa
