Mamallakta Tantanakuypak mushuk kamachikkunawan, mushuk sami llankaykuna kallarin.
Shinami César Litardo, mushuk hatun kamachik shina rimarka, tuyuy kamachiy killkakkuna yuyarishpa kamachiykunata, llankaykunata arinishun rimarka.
Kay Consejo de Administración Legislativa tantaripika Napo markamanta, César Solórzano kanka; Cotopaxi markamanta, María Belén Marín kanka; Santa Elena markamanta, Carlos Cambala kanka; Esmeraldas markamanta Rina Campain kanka; Guayas markamanta, Cristiana Reyes kanka; Pichincha markamanta, Patricio Donoso kanka; Los Ríos markamanta, Litardo kanka. Paykunami imashina llankanata rikunka, mashna kullki mutsurishkatapash rikunka.
Minkashkakunata imashina rakinamantaka, mashna llaktay tantarita rikushpami churana kanka nirka, chaypak imashina yuyaykuna kashkata rikunka, mushuk yuyayta rikuchikta rikuna kanka, chay tukuymi llaktayukkunapak munayman kimirinka nirka.
Kunan tuta willana hillaypi rimashpa, mushuk llankay kanka, rimanakushpa, yuyarinakushpa llankana, chikan chikan yuyayta sumaychana. Llakita ama rurachun, ama ahachun, yanka huchachichun mana sakishun nirka. Llakikuna rikurikpika allita rikushpa, yuyashpa chaypilla pitichina kachun nirka. Kay yuyaykunawan llankaykunata pitina nirka.
LILA/jc-kichwa
