Shinami César Litardo, Mamallakta Tantanakuyta pushak, paypak Quevedo llakta wacha punchata karka.
Manarak kanchis sayllata rimanakuy kallarirka, ñami runakunapash chaypi karka, kushilla rimaykunawan chaskirka.
Paypak hatun llankayta waminkapi aparishkata paypak mashikunaman, kikinkuna kachashkata mana pakisha nirka.
Paypak llankayta willankapa kimsa anki, shuk TV karurikuchik willayta hapirka, chay willana hillaykunapimi willarka. Shinallatak antawa purichikkunawan, chay Universidad Estatal de Quevedo pushakkunawan tantarirka. Yallikpika chay yachana wasipi yachachik karka, shinami Eduardo Díaz willarka.
Chay markamanta: 13 kitikuna, 17 shulkakuna chayarka, kikinkuna mañashkata yanapasha nirka. Chaypi paykuna kushiyarka, makita watarka. Kay llaktamanta kallari Mamallakta Tantanakuyta pushakmi kani nirka, runakuna, kamachikkuna, tantarikuna tukuyllatak kuyayta rikuchirka. Chayta rikushpa payka yupaycharka, kikinkunamanta llankashami nirka.
Llaktaykunamanta rimashpaka: unipak llaktayta pushana, kamachikkuna llankaskkata katina, kamachiykunata killkana, arinina llankayta, runakunata kamana, shuwakunata katina, awllikuna chikan chikan kanata willarka. Llakikuna rikurikpi rimanakushpa, kamachiywan chimpapurashpa allichina hawa chaypi kak llaktakunaman, kamachikkunaman, runakunaman uyachirka.
LILA/jc-kichwa
