Mamallakta Tantanakuyta pushak César Litardo Caicedo, hatun tantarita mincha 24 puncha, aymuray killapi ruranka, 11h00 sayllata kallarinka.
Chaypimi Mamakamachiy rimashkata katishpa Mamallakta pushak, Lenín Moreno Garcés llankashkata willanka, payka ñami ishkay watata Mamallaktapi llankan.
Kay kayaytaka Mamakamachiypak 120 niki, 4 yupayta hapishpa, Función Legislativa Kamachiypak 44 nikita hapishpami pusharinka.
Shinallatak Mamakamachiypak 147 niki, 7 yupaywan kimirishpa kay hatun tantarita ruranka. Mamallaktapak llankayñanta katishpa imashina llankaykuna, llaktakuna, kullki mirarishkata willanka, shamuk watakuna imashina llankanatapash willanka, chaymi llaktakuna riksinka.
Aknaypi rurana
Kay hatun willayka pusak iñutami charin, imashina MamallaktaWipalata yaykuchina; kipaman Ecuador llaktapak hayllita takinka. Kimsaniki César Litardo Caicedo, Mamallakta Tantanakuyta pushak rimanka; kipaman takikkuna takinka.
Pichka nikipika, Mamallaktata Pushak llaktakunaman, Lenín Moreno Garcés, pay llankashkata llaktakunaman, runakunaman, kamachikkunaman, istakamachikman willanka. Kipaman ña hatun willay wichkarinka, katipi San Francisco de Quito takita uyachinka; ña tukuripika hatun kamachikkuna kanchaman llukshinka.
EG/jc-kichwa
