Kay Comisión Ocasional tantari, llankaypi rukuyashka runakuna hawa riman, chaytaka Homero Castanier minkashkata pushak, Franklin Robles, Unión de Jubilados del Banco Central pushakta chaskirka.
Paymi Código Monetario kamachy allichirikushkata riksichirka, yallik watamanta mana kullkita kushkata tikrachichun mañarka.
Shinami paykunapak hayñita 2009 watapi llakichishkata paktachinka, chaymi chay llakirishka ayllukuna kawsaypi allichirinka.
Kay mushuk kamachiyka Banco Central del Ecuador kamaywasi, kay kamaywasipi llankashpa rukuyashka runakunaman paykunapak kullki kanata tikrachichun mañan, chayka: jubilación patronal, montepío, viudez o invalidez shuti kullkikunami kan, yallik 2009 watamanta kuchun mañamun.
Shinami Robles pushakka, chay kullkikunaka 1.600 ayllukunatami llakichishka kan nishpa willarka. Chay Fondo Complementario Previsional Cerrado de los Empleados, Jubilados y Pensionistas kamachiy llukshishkamantami llakitukushka, Banco Central kamaywasi chayman kimirishka kashkamantami llaki rikurishka, chay Régimen Monetario mushukyashkamantami llakichishka.
Shinami kay mushukyachishka kamachiyka 200 runakunata yapa llakichirka, hapina kullkita sakichirka; 500 runakunaman 70 % patsakri kullki urayarka; 700 rukuyashka runakuna karka, sucre kullkimanta, dólar kullkiman tikrashpapash llakichirka.
Shinallatak, kamachiywan katishpa tawka hayñikunatami tikrachichishka karka, chaytaka Banco Central kamaywasimi, chay Comité de Derechos Económicos, Sociales y Culturales de Naciones Unidas ista hatun tantari churashpa misharkakuna, chaytami kunanka tikrachichun mañan..
RSA/eg/jc-kichwa
