Tayta, César Litardo Caicedo, Mamallakta Tantanakuyta pushak tawka hatun kamachikkunata, Mallakta Pushakkata alli shamushkata chayachirka.
Runakunapak mutsuyta, mañayta allichinkapa alli kamachiykuna arinina, llaktakunapi kullki, llankay mirarichun alli kamachiykunata arini nirka.
Unipak llankaykuna tiyachun, kasilla tiyachun, paktaraki tiyachun rimanakuykunata rurashpa katina.
Kay Ecuador llaktapi kawsak runakuna mana makanakuk, punku paskashka, kamachiy killkak, llaktayukkunata yanapak llankayta Mamallaktaka mutsun, mushuk kawsayta munan. Kay killa 14 pukushka yuyaytan charik runakunata rikuchirka, shinami ushak kamachikkunata akllarka, kamachikpura makita kushpa llankanata rikuchirka.
Unipak allita kawsana hawa, Mamakamachiyta, kamachiykunatapash mushuk yachana, mushukyachina, chaypi kana hayñita llaktayukkuna, runakuna, ayllukuna charichun, shuwakunata katina, muspachik hampita runakuna wamrakuna, yachakukkuna millpuchun harkak kamachiyta killkana rimarka.
JLVN/eg/jc-kichwa
