Mamallakta Tantanakuy, César Litardo Caicedo, pushakwan Babahoyo kiti wiñarishka 150 watata paktachishkamanta shuk napayta kurka.
Kamachik Litardo, chay 137 kamachiy killkakpak shutipi, Guido Silva, kiti pushakman, Mamallakta Tantanakuypak shutipi yuyarita charichirka, llaktakuna, Mamallaktapash wiñarichun mañarka.
Ñukanchikmanka, kay yuyarina hatunpuncha kaypi kana maymutsurikmi karka, chaymanta kay llaktakuna, hatarimushklamanta yupaychani nirka.
"Ñuka, Los Ríos llaktamanta kashpa, kunan Mamallakta Tantanakuyta pushanata ushani, yunka llaktakuna llankachun kushkata ñukapak waminka hawapi charini, kikinkuna mañashkata paktachinkapa tukuyta rurakrinchik”, yuyarita charichikushpa Mamallakta Tantanakuyta pushak shina rimarka.
Kamachiy killkakkunapak yaripika, Mamallaktapak hatun kamachikpak, Los Ríos markamanta kamachiy killkakunapak ñawpakpi, kitikunapak, shulkakunapak kamachikkunapak, kamaywasikunapak, runakunapak, tantarikunapak ñawpakpi Babahoyo kitipak ñanta tushushpa tatkirka.
Ña chishiman, César Litardo Mamallakta Tantanakuyta pushak, chay Central Unitaria de Trabajadores pushakkuna, salud pushakkuna, Distrito de Educación kamachikkuna, Colectivo Humaniza tantari kushka kamarita chaskirka, chaymanta paykunatapash ranti yanapanata arinirka.
LILA/eg/jc-kichwa
