Hatun zirma kamachikkuna Mamallakta Tantanakuypak Comisión de Desarrollo Económico kayanka.
Chay Guayaquil kiti llaktapi zirmata hapishkamanta yapa kullkita hapishka, chay llakitami paykunaka imamanta kashkata willana kan.
Chay Guillermo Celi, kamachiy killkak mañashka, Mamallakta Tantanakuypi chay zirma kamachik Carlos Pérez hatun kamachikta kayanka; shinallatak chay Corporación Nacional de Electricidad (CNEL), Wilfrido Veintimilla; kipaka Agencia de Regulación y Control de Electricidad (Arconel), Bolívar Lucio kamachikta kayanka, chay Pueblo, Freddy Carrión kamachiktapash kayanka. Paykunami imashina kay llaki rikurishkata willanka.
Kay zirma achikta tukuchishkamanta maruta kuk llankakwasimi kay pantay llakita allichinata charin nirka, paykuna llaktayukmanta kullkita hapishkata tikrachinka. Imamanta yapa kullkita hapishkata kamachikkunaman achiklla willanka, shinami chay llakikuna allichirinka.
Paymanta, Comisión de Desarrollo Económico tantarita pushak, Esteban Albornoz, chay Arconel hatun kamaywasimi chay Corporación de Electricidad kamaywasita rikunata charin, shinapash mana shinachu kan.
Kayna chishi Mamallaktapak hatun kamachik, chay Corporación Nacional de Electricidad (CNEL), Wilfrido Veintimilla kamachik anchurichun mañarka, kipaman Guayaquil llaktapi kawsak llaktayukkunaman achikya rupachishkamanta, yapa kullkita hapishkata tikrachinatami charin.
PV/eg/jc-kichwa
