Kay Comisión de Soberanía y Relaciones Internacionales tantari, chay Tratado para el Traslado de Personas Sentenciadas entre los gobiernos de Ecuador y Cuba pankata rikurka.
Chayka: Cuba llaktamanta kaypi huchata charik runa, Ecuador llaktamanta Cuba llaktapi huchata charik runa, paypak llaktaman tikrachishka kachun, chaypi wanachishka kachun yuyari tiyachun mañan. Shina ayllukuna rikuchun mañarka.
Kay yuyarika, 18 nikikunata charin, wichkashka runakuna paypak llaktaman risha nishkatami paktachina kan, shinapash ishkantin Mamallaktami chayta yanapak kamachiyta charina kan. Shinallatak huchata, pichana, anchuchina arinishkata charinami mutsurin. Chay Cuba llaktapi, Ecuador llaktapi wanachishka kashpa kutintak mana wanachishka kankachu.
Chay 2011 watapi yuyarita killkashka, ashalla pachapak churashka kan, kaytaka Convención de Viena kamachiypak, 25 nikita paktachishpami ruranka, kay nikika Mamallaktapura allishunkuwan yuyarishpami kanka, chayka Mamallakta Tantanakuy arininkakamami kanka.
Pay Patricio Benalcázar, Comisión tantari yanapak, chay Ministerio de Relaciones Exteriores kamaywasi rikuchishkata rikukpika, 2014 watamanta, 2018 watakama Ecuador llaktamanta 26 huchayukkunami kay Mamallaktapi wanachishka kachun tikrachishka kanka, kay 2019 watakama 15 huchayukkunatami tikrachimushka kashka.
Ashtawankarin, achkakunami muspachik hampita katushkamanta kan. Shukka Mamallaktata mana charikta yaykuchishka karka, payka kay Ecuador llaktapi pakakukushkami kashka. Shinami 14 Ecuador llaktamanta, 13 supaychashka kan, chaymanta 10 huchayuk tikrachimushka kachun mañarka.
Chay Cuba llaktamanta huchayukkuna, 28 puncha, pawkar killa, 2019 wata, hay 33 wichkashka huchayukkunami muspachik hampita charishkamanta kay llakita charin, paykunamanta pichka huchayuk mana mañashka, paypak llaktaman tikrachikpika ña pay kawsana kuskata chinkashka kashka yuyachin.
SV/pv/Jc-kichwa
