Tayta César Litardo Caicedo, Mamallakta Tantanakuyta Pushak, kaya 4 puncha, raymi killa, 10:00 sayllata, 549 yupay tantarita Mamallakta Tantanakuy pushanka.
Kipaman chaypi mushukyachishka Transporte Terrestre, Tránsito y Seguridad Vial kamachiyta atinakunka.
Kay mushuk, atinakushka, yuyayta churashka kamachiywan ñankunapi anta sinkuyta, runakuna wañuyyz anchuchinka.
Sarun, 30 puncha, aymuray killapi chay Comisión Ocasional de Tránsito tantari allichishkata kimsakutin atinaurka, chaypi llaktayukkuna ama antawa llaki tiyachun yanapana yuyay tiyachun rimarka, chaymanta yachachina yuyay wiñarirka, kamachiypi chay yuaykuna killkashka kachun yuyarirka.
Kunan kama, 27 kamachiy killkakkuna rimayta charirika. Chaypika: antawana pushakkunata yachachina, ñankunapi kamay tiyana, kay Secretaría Nacional de Seguridad Vial kamaywasi wiñarina, paymi antawa sumakrurayta, antawa llakikuna tiyakta chapanata rikunka.
Allichkishka kamahiyka antawa llankkaypi sumakruray llankay ñawitami charinka, antawa ñankuna alli unanchakunawan rikuchichun yanapanka, chaypakka tukuy llaktayukkuna, kamachikkuna, tantarikuna, kamaywasikuna, kamachiy killkakkuna arinishpa kamachun pushanka.
Antawa pushakkuna, ñan patata purikkuna, anta apyupi purikkuna, kipi aparikkuna, kamaywasikuna yuyayta hapina kan, kamachiykuna riksina kan. Shina ama ñankunapi wañuy tiyachun, antawa purichina panka.
RSA/jc-kichwa
