Kay alinkuta 2050 watakama mana ashayachikpika mamakuchapi tiyak chalwakunata yalli llashakmi alinkuka kanka.
"Imashina chay China llaktapika mamakuchapi ña mana kawsay tiyanchu, wampukkuna kay wiwata mashkan”.
Kayta Ecuador llaktamanta amawta Inti Gronneberg, shina rimarka, payka Inglaterra llaktapimi kawsan, kay Comisión del Desarrollo Económico tantaripi shina rimarka. Kay rimanakuna pataku alinku mawkayachinata ashayachinami rimarka.
Kay tantarika 16 puncha, aymuray killapimi tiyarirka, paykunaka 2019 watamanta, 2021 watakama llankanka, kamachiy killkak Esteban Albornoz pushakun. Shuk puncha kipa, paypak llankayñanta churarka, chaypimi chayta killkashka churarka.
Kay Inés Manzano, Círculo Verde tantari pushak, payka muyuk kullkiyaypi yuyanata rikuchirka, achka pachata unipak nipakunapi kullkiyayta churana nirka. Chay 70% patsakri alinku mana kullkita kuna kanka, chaymanta ashalla kakpika ama charichun harkashka kanka.
Kay Ecuador llaktapi ishkay hunu yalli alinku wiñarin, mama awllik rimarka. Alli yuyayta charina kanchik, chayka mana kapukyachina llikatalla rikuchinachu, kay mushuk kamachikka Código Ingenios kamachiwan kimirina kan, mushuk sumakruraykunata, mushuk llankaykunata rikuchin, alinku ruranatapash churana kan, ninmi.
Kay Asociación de Municipalidades del Ecuador tantarimanta, Karín Jaramillo kamachik, shuktak kamachiykunatapash rikuna, chaypi rimakpika ña mana ishkaykutin killkana kanchu, patarishka llankaykuna kipaman rurana urmanka, nirka.
LILA/jc-kichwa
