Kaya 5 puncha, raymi killa Mamallakta Tantanakuy kimsa minkashkapak kamachikkunata churanka, chayka Gobiernos Autónomos minkashkaman, Trabajadores minkashakaman, Educación minkashkaman kamachikkunata churanka.
Chaypak César Litardo Caicedo, Mamallakta Tantanakuyta pushak, kamachiy killkakkunata 17:00 sayllapak rimanakuyman kayashka.
Kay rimanakuypillatak Personas Adultas Mayores kamachiyta, chay Código de Procesos y derechos de la niñez kamachiyta arininka.
Yuyak kamachiymantaka, chay panta nikikunatallami allichina kan, anchuchina kan. Shina allichishpaka tukuy kamachiyta shitana mana mutsurinchu. Chaywan Equilibrio de las Finanzas Públicas kullkita hapina, Incentivos a la Producción y Prevención de Fraude Fiscal yanapayta hapinata ushanka.
Kaya rimanakuypi, Mamallakta Tantanakuypi chay wawakunapak, imillakunapak llankayta katina arinishkata rikunka. Paykunata tukuylla llaktay, kamachiykunapash kallaripi churashpa yanapanatami rimanka, Mamallaktapi kawsak runakuna 35% patsakrimi kari warmi wawakuna, imillakuna kan.
Kay kamachiywanka wawapak, imillapak hatun munayta, hayñitami paktachina kan. Shinami chay Derechos Humanos, Generación, Intergeneracional, Género y Diversidad hatun yuyaykunata paktachinka. Shukmantaka chay Código de la Niñez y Adolescencia kamachiyta paktachinka, shinallatak: runakuna chaypi kachun, paykunata yaykuchichun llakta ushayta ñawpachinka. Shukmantaka Código Orgánico General de Procesos kamachiyta Kamachiy Kipupi killkachishka kanka.
LILA/JLVN/jc-kichwa
